Karachi: MQM UC chairman arrested, later released
کراچی کے علاقے شریف آباد میں قانون نافذ کرنے والے اداروں نے ایم کیو ایم کے یو سی چیئرمین آفتاب کو حراست لے لیا، تاہم انہیں کچھ دیر بعد رہا کردیا گیا ہے۔
ذرائع کے مطابق ضلع سینٹرل کے علاقے شریف آباد میں قانون نافذ کرنے والے اداروں نے خفیہ اطلاعات پر کارروائی کی تھی۔ اس دوران ایم کیو ایم پاکستان کے یو سی چیئرمین آفتاب کی جانب سے مزاحمت بھی کی گئی تھی۔
جس پر قانون نافذ کرنے والے ادارے انہیں اپنے ہمراہ لے گئے اور کچھ دیر پوچھ گچھ کے بعد انہیں رہا کردیا گیا ہے۔
اپوزیشن لیڈر سندھ اسمبلی خواجہ اظہار الحسن کا کہنا ہے کہ آفتاب کو حراست میں نہیں لیا گیا، بلکہ صرف پوچھ گچھ کے لیے بلایا گیا تھا اور کچھ دیر بعد چھوڑ دیا گیا ہے۔
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
