Karachi: MQM submitted the resolution against Pervez Khattak
ایم کیو ایم کے اراکین سندھ اسمبلی نے وزیر اعلیٰ خیبر پختونخوا پرویز خٹک کے خلاف قرارداد سندھ اسمبلی میں جمع کرا دی، قرارداد میں پرویز خٹک کی جانب سے ملک کے خلاف بیانات دینے پر آرٹیکل 6 کے تحت کارروائی کا مطالبہ کیا گیا ہے۔
کراچی: ایم کیو ایم کے اراکین سندھ اسمبلی نے وزیر اعلیٰ خیبر پختونخوا پرویز خٹک کے خلاف قرارداد سندھ اسمبلی میں جمع کرا دی۔ قرارداد میں کہا گیا ہے کہ وزیر اعلیٰ کے پی پرویز خٹک نے انتہائی غیرذمہ دارانہ بیانات دیئے، انہوں نے صوبائیت کو ابھارنے، پاکستانیوں کو دست و گریباں کرنے اور خاکم بدہن ملک کا حشر نشر کرنے کی دھمکیاں دیں۔ قرارداد میں صوبائی حکومت سے مطالبہ کیا گیا ہے کہ وہ وفاقی حکومت تک رائے پہنچائے اور وطن عزیز کے خلاف ادا کئے گئے گستاخانہ کلمات جو کہ پاکستان سے غداری کے زمرے میں آتے ہیں کی بنیاد پر پرویز خٹک کے خلاف آئین کے آرٹیکل 6 کے تحت فوری کارروائی کے اقدامات کئے جائیں۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
