Karachi, Minister, Local, Government

وزیر بلدیات سندھ جام خان شورو کا کہنا ہےکہ کے ایم سی اور ڈی ایم سیز کو ماہانہ کروڑوں روپے دیئے جارہے ہیں ،ضلع غربی اور ملیر میں کچرا اٹھانے کا ٹھیکہ اس ماہ چینی کمپنی کو دے دیا جائے گا۔کراچی کے علاقے بہادر آباد میں الخدمت پارک کے افتتاح کے موقع پر وزیر بلدیات سندھ نے کہا کہ شہر میں مختلف ترقیاتی منصوبے اور کچرا اٹھانے کا کام جاری ہے، کچرہ اٹھانے کے لیے ضلع ایسٹ اور جنوبی کا ٹھیکہ چینی کمپنی کو دیا۔ان کا مزید کہناتھاکہ ضلع غربی اور ملیر سے کچرا اٹھانے کا ٹھیکہ اسی ماہ چینی کمپنی کودے دیا جائے گا،کے ایم سی اور ڈی ایم سیز کو ماہانہ کروڑوں روپے فنڈز دیئے جارہے ہیں۔تقریب سے امیر جماعت اسلامی کراچی حافظ نعیم نے خطاب میں کہا شہر کے مسائل پر میئر کراچی سے بات کریں تو وہ کہتے ہیں ان کے پاس اختیار نہیں ، ساڑھے 3 سال گزرنے کے باوجود واٹر بورڈ کا مسئلہ حل نہیں ہوا ۔تقریب میں پی ٹی ائی اور جماعت اسلامی کے کارکنوں میں تلخ کلامی بھی ہوئی ۔پی ٹی آئی کی نائب یوسی چیئرمیں کا کہنا تھاکہ یوسی چیئرمین نے پارک کے افتتاح پر انھیں اعتماد میں نہیں لیا