Karachi
کراچی (جیوڈیسک) کراچی کے علاقوں اورنگی ٹائون، سچل اور فیڈرل بی ایریا میں فائرنگ کے مختلف واقعات میں کوریئر سروس کے نمائندے سمیت چار افراد لقمہ اجل بن گئے۔
پولیس کے مطابق فیڈرل بی ایریا میں واٹر پمپ کے قریب موٹرسائیکل سوار شخص کو فائرنگ کرکے شدید زخمی کردیا گیا، جو اسپتال لے جاتے ہوئے چل بسا، پولیس کے مطابق مقتول کی شناخت 30سالہ سعد سراج الدین کے نام سے ہوئی، جو کوریئر سروس کا ملازم تھا۔
اورنگی ٹائون کے علاقے فقیر کالونی میں فائرنگ کرکے محمد خان نامی شخص کو قتل کردیا گیا، اورنگی کے ہی علاقے 12نمبر میں چمچہ ہوٹل کے قریب فائرنگ کرکے محمد ندیم کو بھی قتل کیا گیا، جبکہ سچل کے علاقے علی گوٹھ میں فائرنگ سے امین جان نامی شخص ہلاک ہوگیا۔
