کراچی کے علاقے سرجانی ٹاؤن میں پولیس نے کارروائی کر کے اغوا اور تہرے قتل کی واردات میں ملوث2 ملزمان کو گرفتار کر لیا ہے۔

Karachi: 11-year-old child’s dead body found, 2 suspects arrested

پولیس حکام کا کہنا ہے کہ دونوں ملزمان نے دو روز قبل سرجانی ٹاؤن میں 2 خواتین کو قتل کیا تو بچے نے دیکھ لیا۔ ملزمان نے بچے کو اغوا کر کے اسے بھی قتل کردیا، حکام بتاتے ہیں دونوں ملزمان نے اعتراف جرم کر لیا ہے۔

سرجانی ٹاؤن میں پولیس نے کارروائی کر کے2 ملزمان 22سالہ شمائل احمد اور 20سالہ فرقان عمر کو گرفتار کیا اور ان سے تفتیش کی تو 3 روز قبل سرجانی ٹاؤن سیکٹر 35بی میں 2 خواتین کے قتل کا نہ صرف معمہ حل ہوا بلکہ ان کے پڑوسی بچےکے اغوا اور اسکے قتل کا بھی انکشاف ہوا ۔گرفتار ملزم شمائل نے انکشاف کیا کہ 3 روز قبل سرجانی ٹاؤن میں قتل کی گئی 50سالہ کشور اور اس کی بیٹی25سالہ اسما اس کی رشتے دار تھی، قتل سے ایک روز قبل دونوں نے ملزم کو طعنے دیئے، جس پر طیش میں آکر اس نے فرقان کو ملایا اور چھریوں کے وار کر کے انہیں قتل کردیا۔مقتول مغوی بچہ خواتین کے پڑوس میں رہتا تھا جس نے قتل کی واردات دیکھ لی تھی جس پر ملزمان نے اسکو موٹرسائیکل پر بٹھا کر اغوا کیا اور سرجانی ٹاؤن کے برفت گوٹھ میں لے کر قتل کردیا،ملزمان کی نشاندہی پر بچے کی لاش، قتل میں استعمال ہونے والا چھرا اور ملزمان کے زیر استعمال موٹرسائیکل بھی برآمد کرلی ہے۔بچے کے اغوا اور تہرے قتل کی واردات حل کرنے اور ملزمان کو گرفتار کرنے پر ڈی آئی جی ویسٹ کی جانب سے پولیس پارٹی کے لیے نقد انعام اور تعریفی اسناد کا اعلان کیا گیا ہے۔