اسلام آباد (یس اردو نیوز) سینیٹر فرحت اللہ بابر کا کہنا ہے کہ کلبھوشن یادیو کی پھانسی کی سزا پر عملدرآمد نہیں ہوگا۔ تفصیلات کے مطابق پیپلز پارٹی کے سینیٹر فرحت اللہ بابر نے نجی ٹی وی چینل کے پروگرام سے گفتگو کرتے ہوئے کہا ہے کہ ان کی رائے میں کلبھوشن یادیو کی پھانسی کی سزا پر عملدرآمد نہیں ہوگا۔ حکومت پاکستان اس فیصلے کو نیپال میں لاپتہ ہونے والے سابق پاکستانی فوجی افسر کی بازیابی کیلئے استعمال کر سکتا ہے۔ اگر کلبھوشن کو پھانسی کی سزا دینا بھی ہوئی تو اس میں کافی وقت لگ جائے گا۔