Kaira family rented their work

لالہ موسیٰ(جمیل احمدطاہر)کائرہ خاندان نے اپنے دوراقتدارمیں ریکارڈترقیاتی کام کرائے ،موجودہ حکومت میں لالہ موسیٰ کیلئے کون سے منصوبے لائے گئے وہ عوام کو بتائے جائیں ،ان خیالات کا اظہارممتازسماجی وسیاسی شخصیت چوہدری عمران اشرف گجر نے ایک بیان میں کیا،انہوں نے کہاکہ کائرہ خاندان کو دووزارتیں ملی تو ان کی اہلیت کی وجہ سے ملی ہیں اور دونوں وزراء نے لالہ موسیٰ کا نام روشن کیا،لالہ موسیٰ میں ٹراماسنٹر،سپیشل ایجوکیشن سنٹر،سینکڑوں دیہات میں سوئی گیس کی فراہمی کائرہ خاندان کے عظیم کارنامے ہیں موجودہ حکومت کے اڑھائی سالوں میں لالہ موسیٰ کے عوام کو صرف خواب دکھائے گئے ،کوئی ایک بھی عوامی فلاحی منصوبہ اور عوام کوریلیف دینے کیلئے کچھ کیاگیاہے تو عوام کے سامنے لایاجائے۔