اسلام آباد(ویب ڈیسک )اسلام آباد ہائیکورٹ کے قائم مقام چیف جسٹس عامرفاروق کی عدالت نے جج ویڈیوسکینڈل کے ناصرجنجوعہ کی 30جولائی تک عبوری ضمانت منظورکرلی۔ گذشتہ روز سماعت کے دوران درخواست گزارنے وکیل راجہ رضوان عباسی کے زریعے دائردرخواست میں کہا کہ ویڈیوسکینڈل کے حوالہ سے الزامات بے بنیاد ہیں استدعا ہے کہ ضمانت قبل از گرفتاری منظورکی جائے عدالت نے2لاکھ روپے مچلکوں کے عوض 30جولائی تک کی عبوری ضمانت منظورکرتے ہوئے ایف آئی اے کونوٹس جاری کرکے جواب طلب کرلیا۔ دوسری جانب ایک خبر کے مطابق پاکستان مسلم لیگ (ن) کے صدر محمد شہباز شریف نے کہا ہے کہ ایک دن 22کروڑ عوام کا ہاتھ اور عمران نیازی کا گریبان ہوگا،

تم سے ایک ایک بات کا حساب لیا جائے گا،عمران نیازی رکاوٹوں کے باوجود مال روڈ پر ٹھاٹھیں مارتے ہوئے سمندر کو دیکھ لو یہ تمہیں خس و خاشاک کی طرح بہا لے جائے گا، نواز شریف، شہباز شریف اور حمزہ شہباز کو قید کر کے سمجھتے ہو کہ ہمیں دبا ؤ میں لے آؤ گے تو یہ تمہاری خام خیالی ہے،25جولائی 2018ء کو تاریخ کی بد ترین دھاندلی ہوئی جس کے خلاف کراچی سے خیبر تک لوگ سڑکوں پر نکلے ہیں۔ ان خیالات کا اظہار انہوں نے مال روڈ پر متحدہ اپوزیشن کی کال پر یوم سیاہ کے حوالے سے منعقدہ جلسے سے خطاب کرتے ہوئے کیا۔ جلسے میں مسلم لیگ (ن)،پیپلز پارٹی، جے یو آئی (ف)، عوامی نیشنل پارٹی، جمعیت اہلحدیث کے رہنماؤں اور کارکنوں کی کثیر تعداد نے شرکت کی۔ شہباز شریف نے خطاب کرتے ہوئے کہا کہ عوا م کے سمندر کی وجہ سے مال روڈ پر کرسیاں نہیں رکھنے دی گئیں جبکہ ان کے زمانے میں کرسیاں خالی ہوتی تھیں، آج میدان بھرا ہوا ہے،عمران خان نیازی سن لو، یہ عوام کا سمندر تمہیں خش وخاک کی طرح بہا لے جائے گا۔ انہوں نے کہا گزشتہ برس 25جولائی کو تاریخ کی سب سے بدترین دھاندلی ہوئی،چترال سے لے کر کراچی تک انتخابات میں ڈیوٹی کرنے والوں کو باہر نکال کر گنتی کی گئی،رات کو ساڑھے 11 بجے مشینیں بند ہو گئیں، یہ کیسا الیکشن تھا کہ 26نشستوں پر مسترد شدہ ووٹوں والا ہار جیت کے فرق سے زیادہ تھے۔