لاہور ہائی کورٹ میں نیشنل ایکشن پلان پر عمل درآمد نہ کرنے کے اقدام کو چیلنج کیا گیا ، وکیل نے الزام لگایا کہ نیشنل ایکشن پلان پر حکومت ٹھوس اقدامات کے بجائے زبانی جمع خرچ کر رہی ہے
لاہور: لاہور ہائیکورٹ نے نیشنل ایکشن پلان پرعمل درآمد نہ کرنے کے خلاف درخواست پر وفاقی اور صوبائی حکومت کو نوٹس جاری کر دیئے ہیں ۔
لاہور ہائیکورٹ کے جسٹس شاہد کریم منیر احمد کی درخواست پر سماعت کی ۔ جس نیشنل ایکشن پلان پر عمل درآمد نہ کرنے کے اقدام کو چیلنج کیا گیا ہے ۔ درخواست گزار کے وکیل اظہر صدیق ایڈووکیٹ نے بتایا کہ وفاقی اور پنجاب حکومت نیشنل ایکشن پلان پر عمل نہیں کر رہی ۔ وکیل کے مطابق دہشت گردی پر قابو پانے کیلئے نیشنل ایکشن پلان پر عمل درآمد ناگریز ہے ۔ وکیل نے الزام لگایا کہ نیشنل ایکشن پلان پر حکومت ٹھوس اقدامات کے بجائے زبانی جمع خرچ کر رہی ہے ۔ وکیل نے استدعا کی کہ حکومت سے نیشنل ایکشن پلان پر عمل درآمد کی تفصیلی رپورٹ طلب کی جائے ۔ درخواست پر مزید کارروائی 2 نومبر کو ہو گی ۔
