فرشتہ قتل کیس میں اہم پیشرفت، اسلام آباد سی آئی اے پولیس نےاغوااورزیادتی کےبعدقتل ہونےوالی ننھی فرشتہ کےقاتل کوگرفتار کرلیاہے۔ پولیس کا دعویٰ ہےکہ نثار نامی ملزم شہزاد ٹاؤن میں ہی فرشتہ کا محلہ دار ہے اور اس سے پہلے بھی گیارہ بچیوں سے زیادتی کر چکا ہے۔ بچی فرشتہ کے والد نے 15 مئی کو پولیس کو گمشدگی کی اطلاع دی جبکہ ایف آئی آر 4 دن کی تاخیر سے 19 مئی کو درج کی گئی 20 مئی کو فرشتہ کی لاش شہزاد ٹاون کے علاقے جنگل سے ملی جس پر جوڈیشل انکوائری کی گئی غفلت کے مرتکب پولیس افسران کے خلاف بھی کارروائی کی گئی ایس ایچ او معطل کر کے اس کے خکاف مقدمہ جبکہ ایس پی رورل عمر خان کو او ایس ڈی بنا دیا گیا۔ پولیس حکام کا کہناہےکہ ملزم کو جسمانی ریمارنڈ کیلیے جلد عدالت میں پیش کردیا جائےگا۔ قتل کیس میں ملوث اور سہولت کاروں سے متعلق بھی تفتیش جاری ہے۔