اسلام آباد کے سیکٹر آئی ٹین میں اشارے کے باوجود کار نہ روکنے پر پولیس اہلکار نے فائرنگ کر دی جس کے باعث نوجوان جاں بحق ہو گیاتاہم کار میں سوار لڑکی محفوظ رہی اورپولیس اہلکار فرار ہوگیا۔

Islamabad: Police fired on not stoping on checkpoints, young killed

پولیس کے مطابق اسلام آباد کے سیکٹر آئی ٹین میں اہلکارنےناکے پرگاڑی کورکنےکااشارہ کیا مگر تیمور نامی نوجوان نے گاڑی نہ روکی تو پولیس اہلکار سمیع نے فائرنگ کر دی جس کےنتیجے میں نوجوان موقع پر ہلاک ہو گیا ۔اس کے ساتھ گاڑی میں سوارلڑکی محفوظ رہی ،فائرنگ کر نے والا پولیس اہلکار فرار ہو گیا ۔ کارسوارکی لاش پمز اسپتال منتقل کر دی گئی جبکہ لڑکی کو مزید پوچھ گچھ کے لیے تھانےبھیج دیا گیا۔ پولیس ذرائع کا کہنا ہے کہ جاں بحق ہونےوالےتیمورکا تعلق مردان اورلڑکی کاتعلق لاہورسےہے۔ پولیس کی فائرنگ سے نوجوان کی ہلاکت پر لواحقین نے مشتعل ہوکرلاش کے ہمراہ فائرنگ کے مقام پر احتجاج شروع کیااور ٹائر جلاکرٹریفک بلاک کردی۔ مشتعل مظاہرین نےحکومت سے ذمہ دار اہل کاروں کی گرفتاری کا مطالبہ کیا تاہم پولیس کے جانب سے کل تک ملزمان کی گرفتاری کی یقین دہانی کے بعد مظاہرین نوجوان کی لاش لے کر چلے گئے۔