راولپنڈی(رپورٹ.اصغرعلی مبارک سے )لاہورہائی کورٹ بار ایسویسی ایشن راولپنڈی کے انتخابات برائےسال2021-22میں کانٹے دار مقابلے کے بعد سردار عبدالرازق خان صدر اور شاہد علی شہزاد بھٹی سیکرٹری جنرل منتخب ہو گئے جبکہ سینئر نائب صدر شاہدہ تنویر چوہدری،فنانس سیکرٹری راجہ عبدالقیوم،لائبریری سیکریٹری محمد ریافت،آڈیٹر ہارون اصغر،ممبران یگزیکٹو مس طاہرہ بانو مبارک، چوہدری محمد بلال،چوہدری کاشف اسلام،محمد سجادانور راجہ،جمیل اصغر بٹ منتخب ہونے والوں میں شامل ہیں۔انہیں بلا مقابلہ منتخب کیا گیا ۔ھائیکورٹ بار انتخابات کیلئے پولنگ صبح9بجے سے کسی وقفے کے بغیر شام 4بجے تک جاری رہی جس میں ڈویژن بھر سے4 ہزار877 وکلامیں سے 2390وکلانے اپنا حق رائے دہی استعمال کیاپولنگ کے عمل کی نگرانی کے لئے الیکشن بورڈ کے چیئرمین شیخ محمد یعقوب کی سربراہی 48رکنی بورڈ تشکیل دیا گیا تھا جس میں سینئر ممبران توفیق آصف،ظہیر الدین بابر،اسرار الحق ملک اورچوہدری وارث سمیت دیگر شامل تھے۔ غیر حتمی نتائج کے مطابق صدر کے عہدے پر سردار عبدالرازق خان1421ووٹ لے کر کامیاب قرار پائے ان کی مد مقابل مسز سرکار عباس کو 912ووٹ ملے۔ جنرل سیکریٹری کیلئے شاہد علی شہزاد بھٹی1279ووٹ لے سیکریٹری منتخب ہو گئے ان کے مد مقابل حسیب شکور پراچہ1079ووٹ کے ساتھ دوسرے نمبر پر رہے،نائب صدر کی نشست طارق محمود خان991نمبر لے کرپہلے،محمد بختیار احمد721ووٹ کے ساتھ دوسرے اورعظمت علی خان 323ووٹ لے کر تیسرے نمبر پر رہے،ایڈیشنل سیکریٹری کیلئے رحما قریشی 1421ووٹ حاصل کرکےپہلے جبکہ ان کے مد مقابل حنانعمان860ووٹ حاصل کرکے دوسرے نمبر پررہیں، جوائنٹ سیکریٹری کی نشست پر راجہ ارشد رضوان جنجوعہ1211ووٹ لے کر کامیاب قرار پائے ان کے مدمقابل قاضی اظہر محمود1121ووٹ لے کر دوسرے نمبرپر رہے،نتائج کا اعلان ہوتے ہی کامیاب امیدوراوں کے حامیوں نے فتح کا جشن منایا گیا کامیاب امیدواروں پر پھولوں کی پتیاں نچھاور اور مٹھائیاں تقسیم کی گئیں ۔جتنے والے عہدیداروں نے اس عزم کا اظہار کیا ہے کہ وکلاء کی فلاح و بہبود کے لیے ہر ممکن اقدامات کئے جائیں گے۔

NEWLY ELECTED, IHCB, PRESIDENT PRESENTING FLOWERS TO TAHIRA BANO MUBARAK ADVOCATE

Islamabad High Court Bar Association Elections