counter easy hit

کیا عامر خان عمران خان کی حلف برداری کی تقریب کیلئے پاکستان آ رہے ہیں؟

ممبئی: بالی ووڈ ادا کار عامر خان نے عمران خان کی حلف برداری کی تقریب میں شرکت کی دعوت کے حوالے سے ردعمل جاری کرتے ہوئے کہا ہے کہ مجھے دعوت نہیں ملی ہے اور ویسے بھی میں ان دنوں میں مصروف ہوں۔

تفصیلات کے مطابق بالی ووڈ اداکار عامر خان نے 2012 میں ایک تقریب کے دوران عمران خان کو مخاطب کرتے ہوئے کہا تھا کہ ”جب آپ الیکشن جیتیں گے تو میں آپ کی کامیابی کا جشن منانے کیلئے پاکستان ضرور آوں گا اور اپنے ساتھ کئی مزید بھارتیوں کو بھی لاﺅں گا۔“ تاہم اب تو وہ خود بھی نہیں آ رہے ہیں۔

عامر خان نے عمران خان کی تقریب حلف برادری پر گفتگو کرتے ہوئے کہا کہ تقریب میں شرکت کی دعوت نہیں ملی ہے اور ویسے بھی میں ان دنوں پانی فاﺅنڈ یشن کے ایک ایونٹ میں مصروف ہوں، جس میں دس ہزار کے قریب دیہاتی شرکت کر رہے ہیں اور یہ ایونٹ 12 اگست کو ہونے جارہاہے۔

تاہم دوسری جانب پاکستان تحریک انصاف کے ترجمان فواد چوہدری نے تصدیق کی تھی کہ انہوں نے بھارتی کھلاڑیوں، سنیل گواسکر، کپل دیو اور نوجوت سنگھ سدھو کو دعوت نامہ بھیجا ہے۔ جن میں سے نوجوت سنگھ نے پاکستان آنے کا اعلان کردیا ہے اور انہوں نے اس پر بہت خوشی کا بھی اظہار کیا۔