counter easy hit

پاکستان سٹاک ایکسچینج میں زبردست تیزی ، سرمایہ کاری مالیت میں2کھرب 67ارب روپے کا اضافہ

کراچی ( مانیٹرنگ ڈیسک) پاکستان اسٹاک ایکسچینج میں کاروباری ہفتے کے آخری روز جمعہ کو بھی تیزی رہی اور سرمایہ کاروں کی جانب سے حصص خریداری میں گرمجوشی بڑھنے کے باعث کے ایس ای 100انڈیکس484.41 اضافے سے 39539.02پوائنٹس کی سطح پر آگیا جبکہ 70.05 فیصد حصص کی قیمتوں میں اضافہ ریکارڈ کیا گیا ہے تفصیلات کے مطابق پاکستان اسٹاک ایکسچینج میں کاروباری ہفتے کے آخری روز جمعہ کو بھی تیزی رہی اور سرمایہ کاروں کی جانب سے حصص خریداری میں گرمجوشی بڑھنے کے باعث کے ایس ای 100انڈیکس484.41 اضافے سے 39539.02 پوائنٹس کی سطح پر آگیا ، جبکہ 70.05 فیصد حصص کی قیمتوں میں اضافہ ریکارڈ کیا گیا ، جس سے سرمایہ کاری مالیت میں 2 کھرب 67 ارب2 کروڑ 20 لاکھ روپے سے زائد کا اضافہ ہوا، البتہ کاروباری حجم جمعرات کی نسبت 13.92 فیصد کم رہا ، گزشتہ روزکاروبارکا آغازمثبت زون میں ہوا،اوربھارتی جارحیت پر پاکستانی جوابی وار اورگرفتار بھارتی پائلٹ کی رہائی سے صورتحال میں بہتری آنے کے پیش نظر سرمایہ کاروں نے منافع بخش کمپنیوں کے شیئرز کی بھرپور خریداری کی جس کے نتیجے میں کے ایس ای 100 انڈیکس 39539 پوائنٹس کی بلند سطح پرپہنچ گیا، بعد میں پرافٹ ٹیکنگ رجحان کی وجہ سے مزکورہ حد برقرار نہ رہ سکی لیکن مجموعی طور پر تیزی غالب رہی اورمارکیٹ کے اختتام پر کے ایس ای100 انڈیکس484.41 اضافے سے39539.02 پوائنٹس پر بند ہوا ، اسی طرح کے ایس ای 30 انڈیکس 244.84 پوائنٹس اضافے سے 19022.02پوائنٹس کے ایم آئی30انڈیکس723.44پوائنٹس اضافے سے66233.47 پوائنٹس جبکہ کے ایس ای آل شیئر انڈیکس 345.35 پوائنٹس اضافے سے39539.02 پوائنٹس پر بند ہوا ۔ گزشتہ روزمجموعی طور پر344کمپنیوں کے حصص کا کاروبار ہواجن میں سے241کمپنیوں کے حصص کے بھاؤمیں اضافہ،83 کمپنیوں کے حصص کے بھاؤ میں کمی جبکہ20کمپنیوں کے حصص کے بھاؤ میں استحکام رہا۔بیشتر کمپنیوں کے حصص کی قیمتیں بڑھنے سے مارکیٹ کی سرمایہ کاری مالیت میں 692 کھرب 67 ارب 2 کروڑ 20 لاکھ روپے کاروپے کااضافہ ریکارڈ کیا گیا