Indian model Arshi Khan rejected the charge of running the airport pornography

ممبئی: پاکستانی کرکٹر شاہد آفریدی سے تعلق کا دعویٰ کرنے والی بھارتی ماڈل گرل و اداکارہ عرشی خان نے پونے پولیس کی جانب سے فحاشی کا اڈہ چلانے کے الزامات کو مسترد کرتے ہوئے پولیس پررشوت مانگنے کا الزام عائد کردیا۔

گزشتہ دنوں بھارتی ماڈل عرشی خان کو پونے پولیس نے فائیو اسٹار ہوٹل سے فحاشی کا اڈہ چلانے کے الزام میں گرفتار کرکے بحالی کے مرکز منتقل کیا تھا لیکن وہ وہاں سے فرار ہوگئی تھیں اور روپوشی اختیار کرلی تھی جب کہ پولیس ماڈل گرل کی تلاش میں چھاپے ماررہی ہے تاہم اب عرشی خان فرار ہونے کے بعد پہلی بار میڈیا کے سامنے آئی ہیں۔

عرشی خان فحاشی کا کاروبار چلانے کے الزام میں گرفتار

بھارتی میڈیا رپورٹس کے مطابق عرشی خان نے پونے پولیس کی جانب سے فحاشی کا اڈہ چلانے کے الزام کو مسترد کرتے ہوئے کہا ہےکہ اپنے دوست سے ملنے پونے گئی تھی جہاں ایک ہوٹل میں ٹھہری تھی اور اس دوران پولیس بھی ہوٹل پہنچ گئی جہاں اہلکاروں نے مجھ سے 15 لاکھ روپے رشوت طلب کی اورساتھ جسمانی تعلقات بنانے کو کہا جس سے انکار پر پولیس نے مجھ پر فحاشی کا اڈہ چلانے کا جھوٹا مقدمہ درج کیا، پولیس نے مجھے بحالی مرکز بھیجا جہاں مجھے تشدد کے بعد چھوڑدیا گیا اور پھر پولیس نے میرے فرار ہونے کا ڈرامہ رچایا۔

عرشی خان نے کہا کہ جھوٹا مقدمہ درج کرنے والے پولیس اہلکاروں کے خلاف کارروائی کے لیے جلد ہی عدالت سے رجوع کروں گی۔ پولیس نے ماڈل گرل کی جانب سے الزامات کو قانونیکارروائی سے بچنے کا بہانہ قرار دیا ہے۔