لاس اینجلس (ویب ڈیسک) بھارت کی گیدڑ بھپکیاں ناکام ہوں گئی ، ہالی ووڈ میں بھی رسوا ہو گیا۔ ہالی وُڈ میگا اسٹار آرنلڈ شوارزنگر نے بھارتی میڈیا کو جھوٹا قرار دیتے ہوئے اپنے دورہِ ہندوستان کی خبروں کی تردید کر دی ہے۔

تفصیلات کے مطابق حال ہی میں بھارتی میڈیا پر ہالی وُڈ سُپر اسٹار آرنلڈ شواززنگر کے حوالے سے خبریں گردش کر رہی تھیں کہ وہ اگلے ماہ بھارت کا دورہ کریں گے اور اس دوران بھارتی ریاست مہاراشٹرا میں ہونے والے ایک فٹنس مقابلے میں شریک بھی ہوں گے۔ تاہم آرنلڈ شواززنگر نے اپنے تازہ بیان میں بھارتی میڈیا کو بے نقاب کرتے ہوئے دورے کے حوالے سے تمام خبروں کو بے بنیاد قرار دے دیا اور کہا کہ انڈین میڈیا غلط خبریں پھیلا رہا ہے۔ انہوں نے کہا ‘میں اس سال بھارت نہیں آرہا ہوں۔ یہ جھوٹی خبر ہے۔ میرے پاس بھارت آنے کا وقت ہی نہیں ہے۔’ یاد رہے کہ آرنلڈ ایک بار پھر بڑے پردے پر دشمنوں کے خلاف اپنا زور بازو آزماتے نظر آئیں گے۔ ان کی ٹرمینیٹر سیریز کا چھٹا حصہ “ٹرمینیٹر: ڈارک فیٹ” یکم نومبر کو ریلیز ہورہی ہے۔ ٹم ملر کی ہدایت کاری میں بننے والی فلم میں ایک بار پھر سے آرنلڈ شوارزنگر طاقتور روبوٹک مشین کے کردار میں جلوہ گر ہورہے ہیں۔ فلم کے دیگر اداکاروں میں یکنزی ڈیوس، لنڈا ہملٹن، جڈیاگو بونیٹا، گیبریل لونا اور نیٹالی ریس سمیت کئی فنکار شامل ہیں۔