حکیم اللہ محسود کے گرفتار ساتھی لطیف محسود نے انکشاف کیا بھارتی اور افغان ایجنسی مل کر کالعدم ٹی ٹی پی کے ذریعے پاکستان میں دہشت گردی کراتی ہیں۔
لاہور: (یس اُردو) حکیم اللہ محسود کے گرفتار ساتھی لطیف محسود نے پاکستان میں ہونیوالی دہشتگردی کے حوالے سے سنسنی خیز انکشامات کیے ہیں ۔ لطیف محسود نے کہا کالعدم ٹی ٹی پی جن لوگوں کو اغوا کرتی تھی ان کے ورثاء کو دھمکی آمیز کال میں ہی کرتا تھا۔ جیل میں قرآن پڑھا تو کچھ آنکھیں کھلی ہیں۔ لطیف محسود نے کہا بھارتی ایجنسی را اور افغان خفیہ ایجنسی پاکستان میں دہشت گردی کرتی ہیں۔ پاکستان میں دہشت گردی تحریک طالبان کے ذریعے کی جاتی ہے۔ مہمند ایجنسی کے امیر عبدالولی کے ذریعے پیسے اور تربیت دی جاتی ہے۔ لطیف محسود نے اپنے اعترافی بیان میں مزید کہا پاکستان کا سب سے بڑا دشمن بھارت ہے۔
