اسلام آباد: پاکستان تحریک انصاف نے سپریم کورٹ میں عمران خان کی نااہلی سے متعلق کیس میں الیکشن کمیشن کا رویہ متعصبانہ قرار دے دیا ہے۔

Imran Khan ineligible case; Tehreek-e-Insaf’s have been declared neglected behaviors of the Election Commission

سپریم کورٹ میں عمران خان نااہلی کیس پر تحریک انصاف کی جانب سے الیکشن کمیشن کے جواب پر اپنا جواب  جمع کرادیا گیا ہے۔جس میں کہا گیا ہے کہ الیکشن کمیشن تحریک انصاف سے تعصب کارویہ اپنا رہا ہے، الیکشن کمیشن تحریک انصاف کو غیر ملکی فنڈنگ پارٹی قراردینا چاہتا ہے، قواعد الیکشن کمیشن کو فارن فنڈنگ کے معاملے پر فیصلے کااختیار نہیں دیتے، الیکشن کمیشن فنڈنگ کے معاملے پر صرف تحریک انصاف کو ٹارگٹ کررہا ہے اورالیکشن کمیشن کاتعصب واضح نظرآتا ہے۔

جواب میں مزید کہا گیا کہ الیکشن کمیشن نے دیگرجماعتوں کے اکاؤنٹس تضادات پر کوئی ایکشن نہیں لیا، الیکشن کمیشن نے تحریک انصاف کے پرانے کاؤنٹس کھولنا شروع کردئیے ہیں، فنڈزکے معاملے پر نہ کوئی فراڈ کیا اورنہ الیکشن کمیشن سے حقائق چھپائے، تحریک انصاف نے قانون کے مطابق فنڈزاکٹھے کئے جب کہ تحریک انصاف نے جواب میں استدعا کی کہ سپریم کور ٹ الیکشن کمیشن کے موقف کومسترد کرے۔