چیئرمین تحریک انصاف کو ٹائمز آف انڈیا کی جانب سے منعقد ہونے والی کانفرنس میں شرکت کی دعوت دی گئی ہے
اسلام آباد (یس اُردو) چیئرمین تحریک انصاف عمران خان دو روزہ دورے پر جمعہ کو بھارت جائیں گے ، پاک بھارت تعلقات کے موضوع پر منعقدہ کانفرنس سے خطاب بھی کریں گے ۔ ترجمان تحریک انصاف نعیم الحق کا کہنا ہے کہ پی ٹی آئی چیئرمین عمران خان بھارت کے دو روزہ دورے پر کل نئی دہلی روانہ ہوں گے ۔ عمران خان ٹائمز آف انڈیا کی جانب سے منعقدہ کانفرنس میں شرکت کریں گے ۔ چیئرمین تحریک انصاف پاک بھارت تعلقات کے موضوع پر ہونے والی کانفرنس سے خطاب بھی کریں گے ۔ عمران خان ہفتہ بارہ دسمبر کو واپس وطن پہنچیں گے ۔