اسلام آباد: چیف جسٹس آف پاکستان جسٹس میاں ثاقب نثار نے کہا ہے کہ اگر مارشل لا کو نہ روک سکا تو گھر چلا جاؤں گا۔
اسلام آباد میں تقریب سے خطاب کے دوران چیف جسٹس ثاقب نثار نے کہا کہ آئین کے کسی حرف پر آنچ نہیں آنے دیں گے، ملک میں جمہوریت اور آئین کی پاسداری ہوگی، میرے ہوتے ہوئے آئین سے انحراف نہیں ہوگا۔ چیف جسٹس نے کہا کہ ہم آئین پر کوئی حرف نہیں آنے دیں گے، آئین میں الیکشنز کے التوا کی کوئی گنجائش نہیں، انتخابات آئین کے مطابق مقررہ وقت پر ہوں گے۔ آئین میں کسی مارشل لاء کی گنجائش نہیں، اگر مارشل لا کو نہ روک سکا تو گھر چلا جاؤں گا۔
