چیمپئنز ٹرافی کا فائنل میچ دلچسپ ہوگا:ثنا، دعائیں رائیگاں نہیں جائینگی،پاکستان کامیاب ہوگا،میرا
لاہور: فنکار برادری پاک بھارت آئی سی سی چیمپئنز ٹرافی کرکٹ ٹورنامنٹ میں پاکستانی ٹیم کی کامیابی کیلئے پرامید ہے ۔ اس حوالے سے فنکاروں نے اپنے خیالات کا اظہار کیا۔ معمر رانا کا کہنا تھا کہ پاکستانی ٹیم جس طرح میچ کھیل رہی ہے توقع ہے کہ فائنل بھی وہی جیتے گی ۔ نسیم وکی کا کہنا تھامیں پرامید ہوں کہ اس سال ٹرافی پاکستان آئیگی ۔تمام فنکاروں کی دعائیں اپنی ٹیم کیساتھ ہیں۔
میرا کا کہنا تھا رمضان المبارک میں پاکستانی عوام اور فنکار ملکی ٹیم کی کامیابی کیلئے دعائیں مانگ رہے ہیں ۔ مجھے امیدہے کہ ان کی د عائیں رائیگاں نہیں جائیں گی اورفتح پاکستان کی ہوگی۔ ثنا کا کہنا تھا آج کامیچ انتہائی دلچسپ اورمزیدارہوگا۔ پاک بھارت میچ میں شہریوں کی دلچسپی زیادہ ہوتی ہے میری دعاہے کہ پاکستانی ٹیم فتح یاب ہو۔ غلام محی الدین کاکہناتھا پاکستانی ٹیم نے جس طرح پچھلے میچ کھیلے ہیں اس سے ظاہرہوتاہے کہ وہ جیت جائے گی میری نیک تمنائیں اپنی ٹیم کے ساتھ ہیں۔
