ریاض(ویب ڈیسک) پورے پاکستان کو نئی حکومت سے بہت سی امیدیں وابستہ ہیں اور اب راحیل شریف نے بھی عمران خان کی حکومت سے امید باندھتے ہوئے ایسی بات کہہ دی ہے کہ وزیراعظم خوش ہو جائیں گے۔ ڈیلی پاکستان گلوبل کے مطابق سعودی عرب کے دارالحکومت ریاض میں پاکستانی سفارتخانے
اور تنظیم بزمِ ریاض کے اشتراک سے منعقد ہونے والی تقریب سے خطاب سابق آرمی چیف جنرل راحیل شریف کا کہنا تھا کہ ’’مجھے امید ہے کہ نئی حکومت پاکستانی کی ترقی کے لیے کام کرے گی اور جلد پاکستان دنیا میں بڑی معاشی طاقت بن کر ابھرے گا۔‘‘ اس تقریب میں جنرل راحیل شریف مہمان خصوصی تھے۔ انہوں نے اپنے خطاب میں مزید کہا کہ ’’پاکستان میں جمہوریت نشوونما پا رہی ہے۔ ہمیں بحیثیت قوم اپنے ملک کی ترقی کے لیے مل کر کام کرنا ہو گا۔ جن ممالک میں امن و استحکام ہو ان کی معاشی صورتحال یقیناًبہتر ہوتی ہے۔ پاکستان میں بھی اب امن و استحکام کی صورتحال بہت بہتر ہو چکی ہے اور ہمارا ترقی کا سفر جاری ہے۔‘‘ انہوں نے کہا کہ ’’بیرون ملک مقیم ہر پاکستانی ملک کا سفیر ہے، لہٰذا آپ میں سے ہر ایک کو چاہیے کہ بیرون ملک رہتے ہوئے اعلیٰ اخلاق اور اقدار کا مظاہرہ کریں تاکہ ملک کا صحیح تشخص اجاگر ہو سکے۔پاکستانی دنیا میں اپنی جانفشانی اور حیران کن صلاحیتوں کی وجہ سے پہچانے جاتے ہیں۔ میں سعودی عرب یا دنیا میں جہاں بھی جاتا ہوں اس بات پر فخر محسوس کرتا ہوں۔‘