وزیراعلیٰ پنجاب شہباز شریف کی نااہلی کے لئے چیئرمین تحریک انصاف عمران خان کی جانب سے لاہور ہائیکورٹ میں دائر درخواست پر سماعت جاری ہے۔
Hearing in Lahore High Court for CM Punjab disqualification
سماعت کے دوران عمران خان کے وکیل بابر اعوان نے دلائل دیتے ہوئے کہا کہ شہباز شریف عوامی عہدہ رکھنے کے ساتھ ذاتی کاروبار سے بھی منسلک رہے جب کہ وزیراعلیٰ پنجاب آئین کے آرٹیکل 62 اور 63 پر بھی پورا نہیں اترتے۔ وکیل عمران خان نے کہا کہ شہباز شریف نے نواز شریف کو 6 ارب روپے کے تحائف دیے لیکن اس رقم کا کسی منی ٹریل میں ذکر نہیں کیا جب کہ شہباز شریف نے خاندانی شوگر ملز کے لئے بھی اثر و رسوخ استعمال کیا۔ بابر اعوان نے پاناما کیس کی جے آئی ٹی رپورٹ کا حوالہ دیتے ہوئے کہا کہ جےآئی ٹی رپورٹ کے مطابق شریف خاندان کے اثاثے آمدن سے مماثلت نہیں رکھتے۔ خیال رہے کہ چیئرمین تحریک انصاف عمران خان نے گزشتہ روز وزیراعلیٰ پنجاب شہباز شریف کی نااہلی کے لئے درخواست دائر کی تھی۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
