لاہور: معروف سینئر صحافی حامد میر نے کہا ہے کہ عمران خان پنجاب کی وزارت اعلیٰ کے حوالے سے ہی سرپرائز نہیں دیں گے بلکہ گورنرشپ کے حوالے سے بھی سرپرائز دیں گے۔

نجی ٹی وی کے پروگرام میں گفتگو کرتے ہوئے حامد میر نے کہا کہ پنجاب کی وزارت اعلیٰ کیلئے جو نام میڈیا پر زیر بحث ہیں ان میں سے کچھ لوگوں کو عمران خان نے بلا کر کہا ہے کہ اپنی تشہیر بند کریں اور یہ تاثر نہ دیں کہ آپ وزیراعلیٰ بن رہے ہیں بلکہ ایک صاحب کو تو انہوں نے یہ کہا کہ اگر آپ کی جانب سے میں نے دوبارہ یہ خبر دیکھی تو پارٹی کی جانب سے اس کی تردید کرنا پڑے گی۔

حامد میر نے کہا کہ عمران خان اس معاملے میں بہت بڑا سرپرائز دیں گے اور ان کا جو بھی انتخاب ہوگا اس پر زیادہ سے زیادہ یہ اعتراض ہی کیا جا سکے گا کہ سیاسی تجربہ کام ہے لیکن عمران خان پنجاب میں گورنر اور وزیراعلیٰ کا کمبی نیشن لائیں گے اور دونوں مل کر صوبہ چلائیں گے۔ دونوں عمران خان کے اعتماد کے نام ہوں گے۔