فرانس کی سیاسی سماجی شخصیت حاجی لیاقت علی شیر آف سمائیلہ کے زیراہتمام صدر پیپلزپارٹی پنجاب چوہدری قمر زمان قائرہ کے بیٹے اور دوست حمزہ بٹ مرحوم کی یاد میں تعزیتی ریفرنس کا انعقاد

پیرس(نمائندہ خصوصی) پیرس کی معروف سیاسی وسماجی شخصیت حاجی لیاقت علی شیرسمائیلہ کی طرف سے پیرس کی مسجد قبا میں چوہدری قمرالزماں کائرہ کے بیٹے اسامہ قمر اوردوست حمزہ بٹ کی ٹریفک حادثہ کے نتیجے میں ٹریجک موت پر تعزیتی ریفرنس کا انعقاد کیا گیا ۔ اس موقع پر معروف سیاسی وسماجی شخصیات نے شرکت کی۔

دعائیہ تقریب میں رقت آمیز مناظر دیکھنے میں آئے ثنا خوان مصطفیٰ نے بہترین کلام پیش کیے۔ دعائیہ تقریب میں مرحوم اسامہ قمر اور حمزہ بٹ کے ایصال ثواب کیلئے خصوصی فاتحہ خوانی کی گئی۔ حاجی لیاقت علی شیر سمائلہ نے اس موقع پر اپنے پیغام میں کہا کہ معزز ومحترم دوست چوہدری قمرالزماں کائرہ کے دکھ میں تمام کمیونٹی کے ہمراہ برابر کے شریک ہیں ۔ اللہ تعالیٰ ان کو اس امتحان میں سرخرو فرمائیں اور ان کو اور ان کے اہلخانہ کو صبر جمیل عطا فرمائیں۔