کھاریاں(نیئر صدیقی سے) تاجر طبقہ جیت گیا ،عوام جائیں بھاڑ میں، گرانفروشوں کے ریٹ کو سرکاری ریٹ مان لیاگیا۔ نئی ریٹ لسٹوں میں ڈی سی او گجرات نے اشیائے خوردونوش کی قیمتوں میں اضافے کا نوٹیفکیشن جاری کر دیا۔ 20کلو گرام آٹے کاتھیلا10روپے، دال چنا 5روپے،دال ماش 15روپے، دال مسور10روپے فی کلو مہنگی کر دی گئی۔ 100گرام کی روٹی 6کی بجائے 7اور نان 7روپے کی بجائے 8روپے میں ملے گا۔ کھلے دودھ کی قیمت میں بھی 10روپے فی کلو کا اضافہ کر کے سرکاری ریٹ70روپے مقرر کر دیا گیا ہے۔ اسی طرح چھوٹا گوشت500سے 550اور بڑا گوشت250سے 280روپے فی کلو ملے گا۔
