counter easy hit

جڑانوالہ میں زیادتی اور قتل کے ملزمان کی عدم گرفتاری کیخلاف مکمل ہڑتال

فیصل آباد: جڑانوالہ شہر میں یونی ورسٹی کی طالبہ اور کم سن بچی کو زیادتی کے بعد قتل کرنے والے ملزمان کی عدم گرفتاری کیخلاف مکمل ہڑتال کی گئی۔

Full strike against the non-arrest of murdered and rape accused in Jaranwalaجڑانوالہ میں جی سی یونیورسٹی کی طالبہ عابدہ اور 7 سالہ بچی مبشرہ کو اغوا و زیادتی کے بعد قتل کردیا گیا تھا تاہم ملزم قانون کی گرفت سے تاحال آزاد ہیں۔ ملزموں کی عدم گرفتاری پر جڑانوالہ شہر میں شٹر ڈاؤن ہڑتال کی گئی۔ اس دوران شہر بھر کی مارکیٹیں بند رہیں اور بڑی تعداد میں شہریوں نے احتجاج کیا۔ مظاہرین نے جگہ جگہ ٹائر جلا کر سڑکیں بلاک کردیں۔ واقعات کے خلاف تحصیل بار کی کال پر وکلاء نے عدالتوں کا بائیکاٹ کیا جب کہ پرائیوٹ اسکولز ایسوسی ایشن کی کال پر نجی اسکول بھی بند رہے۔

دو روز قبل لاپتہ ہونے دوسری جماعت کی طالبہ مبشرہ کی خون آلود لاش کھیتوں سے ملی تھی۔ بچی کو زیادتی کے بعد قتل کیا گیا تھا۔ ادھر جی سی یونی ورسٹی کی طالبہ عابدہ کے قاتلوں کا بھی 9 روز گزرنے کے باوجود سراغ نہ مل سکا جس کے نتیجے میں پولیس کی کارکردگی پر سوالیہ نشان لگ گیا ہے۔ شہر میں بڑھتے ہوئے زیادیتی و قتل کے واقعات پر خوف و ہراس کا ماحول ہے۔