Frustrated from wife prove the charged of the bank robbery

نیو یارک: امریکی ریاست کنساس میں ایک 70 سالہ شخص پر بینک میں ڈاکہ ڈالنے کا الزام ثابت ہو گیا ۔اس شخص کے مطابق اس نے اپنی بیوی سے تنگ آ کر اس سے جان چھڑانے کے لیے بینک میں ڈاکہ ڈالا۔
لارنس ریپل نے کنساس سٹی بینک میں گزشتہ ستمبر میں ڈاکہ ڈالا تھا لیکن یہ بینک سے باہر نہیں گئے اور اندر ہی پولیس کے آنے کا انتظار کرتے رہے ۔لارنس ریپل نے پولیس اہلکاروں کو بتایا تھا کہ وہ گھر میں رہنے کے برعکس جیل میں رہنے کو ترجیح دیں گے ۔انھیں الزام ثابت ہونے پر 20 برس تک قید کی سزا ہو گی۔عدالتی دستاویزات کے مطابق لارنس ریپل نے بینک کے کلرک کو ایک نوٹ دیا جس پر رقم دینے کے مطالبے کیساتھ لکھا کہ ان کے پاس بندوق بھی ہے ۔ان کو تین ہزار ڈالر کے قریب رقم دی گئی لیکن وہ بینک سے گئے نہیں اور لابی میں رکھی کرسی پر بیٹھ گئے اور گارڈ سے لکھا میں وہ شخص ہوں جس کی آپ کو تلاش ہے ۔ لارنس ریپل نے ڈاکے کے لیے ایک ایسے بینک کا انتخاب کیا تھا جس کے قریب ہی پولیس سٹیشن واقع تھا۔پولیس کے بیان کے مطابق اس واقعے سے ایک دن پہلے ہی لارنس ریپل کا اپنی بیوی کے ساتھ جھگڑا ہوا تھا۔