نئی دہلی …….بھارتی ریاست بہار میں اپنی نوعیت کا ایک انوکھا واقعہ پیش آیا، جب ایک خاندان ہینڈ پمپ کے پانی سےنہانے کے بعد بالوں سے ہاتھ دھو بیٹھا۔
جی ہاں بہار کے مدھوبنی ڈسٹرکٹ میں یہ انوکھی صورتحال دیکھنے میں آئی، جب ایک ہینڈ پمپ کے پانی سے غسل کرنے کے بعد گھر کی 2خواتین سمیت 4 افراد شام ہوتے ہوتے گنجے ہو گئے اور سر میں جلن محسوس کرنے لگے ہیں۔
اس ناقابل یقین واقعہ کی خبر پھیلنے کے ساتھ ہی لوگوں کا ان کے گھر پر پہنچنا شروع ہوگیا اور فوراً اس ہنڈ پمپ کو بھی سیل کر دیا گیا ،جس نے مفت میں سارے خاندان کو منٹوں میں گنجا کر ڈالا۔واضح رہے کہ اس ہینڈ پمپ کا استعمال کئی برسوں سے کیا جا رہا تھا لیکن یہ واقعہ پیش آنے کے بعد ماہرین نے اس کی وجہ جاننے کے لئے تحقیق کا آغاز کر دیا ہے اور امید ہی کی جا سکتی ہے کہ ان افراد کے نئے بال نکلنے سے پہلے پہلے اس ریسرچ کا نتیجہ نکل آئے گا۔
