اسلام آباد(یس اردو نیوز) ترک صوبے سکاریا میں آتشبازی کا سامان بنانے والی فیکٹری میں دھماکے سے انسانی جانوں کے ضیاع پر دفترخارجہ کی طرف سے گہرے رنج وغم کا اظہار کیا گیا ہے۔ دفتر خارجہ کی ترجمان عائشہ فاروقی نے ایک بیان میں کہا ہے کہ ہماری دعائیں اس سانحے میں جاں بحق اور زخمی ہونے والے افراد اور ان کے اہل خانہ کے ساتھ ہیں، انہوں نے زخمیوں کی جلد صحت یابی کیلئے بھی دعا کی۔
ترجمان نے کہا کہ پاکستان اپنے ترک بہن بھائیوں کے دکھ میں شریک ہے اور تکلیف کی اس گھڑی میں ان کے ساتھ ہے۔