پاکستان ٹیم پہلی بار منی ورلڈ کپ کا فائنل کھیل رہی ہے جبکہ بھارتی ٹیم دفاعی چیمپئن ہے۔
لندن: چیمپئنز ٹرافی کا محاذ، اوول کا میدان ، فائنل بلکہ سپر فائنل میں پاکستان اور بھارت مدمقابل ہوں گے۔ روایتی حریفوں کے درمیان میلہ اتوار کو لندن میں سجے گا۔ پاکستان ٹیم پہلی بار منی ورلڈ کپ کا فائنل کھیل رہی ہے جبکہ بھارتی ٹیم دفاعی چیمپئن ہے۔ دوسری جانب سرفراز الیون بھارتی سورماؤں سے برمنگھم کی شکست کا بدلہ لینے کیلئے بھی بے چین ہے۔ شاہینوں نے کوہلی الیون کو گھیرے میں لینے کی حکمت عملی بنا لی۔ شاداب خان کی جگہ محمد عامر کو کھلائے جانے کا امکان ہے۔
