Kareena Kapoor

ممبئی (یس ڈیسک) بالی ووڈ اسٹار کرینہ کپور خان نے کہا ہے کہ وہ فلم ’’اُڑتا پنجاب ‘‘ میں شاہد کپور کے ساتھ رومانس کرتی نظر نہیں آئیں گی۔

قبل ازیں جب یہ اعلان کیا گیا تھا کہ کرینہ کپور خان کو اپنے سابق بوائے فرینڈ شاہد کپور کے مقابل کاسٹ میں سائن کر لیا گیا ہے تو سب اس بات پر بڑے حیران ہوئے تھے مگر اب پتہ چلا ہے کہ بیبو اپنے سابق بوائے فرینڈ کے ساتھ اس فلم میں رومانس کرتی نظر نہیں آئیں گی لیکن عالیہ بھٹ کو شاہد کپور کے مقابل سائن کی گئی ہیں جو اس فلم میں شاہد کے ساتھ پیار محبت کرتی نظر آئیں گی۔ ایک اور بات کہ ایوشمان کھرانہ کوئی تاریخ فارغ نہ ہونے کی وجہ سے اس فلم ’’اُڑتا پنجاب‘‘ سے علیحدہ ہوگئے ہیں اور اب ایک مرتبہ پھر کرینہ کے مقابل ہیرو کو تلاش کیا جائے گا۔

ایک افواہ جو سامنے آئی ہے کہ کرینہ کپور کی فرمائش پر ایوشمان کھرانہ کو فلمسازوں نے اس فلم سے علیحدہ کر دیا ہے کیونکہ بیبو کسی نوجوان اداکار کے ساتھ رومانس کرنا نہیں چاہتیں۔ یہ بھی عجیب بات ہوگی کہ اگر کرینہ کپور نے واقعی فلمسازوں کو کہا ہو کہ اسے شاہد کپور کے مقابل رول میں نہ لیا جائے جیسا کہ دونوں ہی ایک دوسرے سے آنکھ نہ ملانا چاہتے ہوں۔ ابھیشک چوہدری کی ڈائریکشن میں بننے والی یہ فلم ’’اُڑتا پنجاب‘‘ ایک ڈرامہ تھرلر فلم ہے جس کے متعلق بتایا جا رہا ہے کے آئندہ مہینوں میں اس کی شوٹنگ کا آغاز ہو جائے گا۔یہ فلم میں نشے کی لت میں پڑنے والے نوجوانوں پر بنائی جا رہی ہے۔

دوسری طرف اداکار ایوشمان کھرانہ نے کہا ہے کہ مصروف شیڈول کی وجہ سے وہ فلم کا حصہ نہیں بن سکیں گے۔ اس سے قبل میڈیا پر خبریں گرم تھیں کہ اداکارہ کرینہ کپور جو کہ فلم کی کاسٹ میں شامل ہیں، ایوشمان کھرانہ کے ساتھ کام نہیں کرنا چاہتیں اس پر اپنے ایک بیان میں ایوشمان نے کہا کہ میں اپنی فلموں ’’1911‘‘ اور ہمارا باجاج ‘‘ کے مصروف شیڈول کی وجہ سے ’’اُڑتا پنجاب‘‘ کے لیے وقت نہیں نکال سکتا۔ انھوں نے کہا کہ ایک وقت میں ان فلموں میں ایک ساتھ کام کرنا بہت مشکل ہے یہی وجہ ہے کہ میں اس پروجیکٹ کا حصہ نہیں بننا چاہتا۔