تامل ناڈو کے شہر ٹریچی میں دو پولیس اہلکار کیلا کھانے پر آپس میں لڑ پڑے اور ایک دوسرے کو لہو لہان کر دیا۔
ٹریچی: (یس اُردو) بھارتی میڈٰیا کے مطابق یہ واقعہ تامل ناڈو کے شہر ٹریچی میں پیش آیا جب اسپیشل سب انسپکٹر رادھا اور ڈرائیور سراوانن رات کے وقت معمول کے گشت پر تھے کہ اسی دوران ان کی صرف اس بات پر لڑائی ہو گئی کہ ان میں سے ایک نے دوسرے کا لایا ہوا کیلا کھا لیا۔ دونوں اہلکاروں کے درمیان پہلے تکرار ہوئی اور نوبت لڑائی تک جا پہنچی۔ دونوں اہلکاروں کے درمیان جب لڑائی بڑھی تو علاقے میں موجود دوسرے پولیس اہلکار بھی وہاں آ پہنچے اور دونوں کی لڑائی ختم کرائی ۔ دونوں اہلکاروں نے ایک دوسرے کو اتنی بُری طرح مارا پیٹا کہ دوںوں کو مقامی اسپتال لے جانا پڑا۔ پولیس کے مطابق رادھا اور سراوانن کے درمیان گشت شروع ہونے سے پہلے ہی تلخ کلامی شروع ہو گئی تھی ۔ سراوانن نے ایک کیلا صبح کے وقت کھانے کے لیے رکھا تھا لیکن جب اسے کیلا نہیں ملا جہاں اس نے رکھا تھا تو رادھا سے اس سے متعلق سوال کیا جس پر رادھا نے جواب دیا کہ وہ کیلا اُس نے کھا لیا۔ سراوانن نے رادھا پر ہاتھ اٹھا لیا اور دونوں ایک دوسرے کے دست و گریبان ہو گئے۔ سینئر پولیس افسران نے واقعے کی تحقیقات کی ہدایت کر دی
