counter easy hit

گھریلو حالات سے تنگ باپ کی 3 بچوں کو قتل کرکے خودکشی

شیخو پورہ: مانانوالہ میں سرفراز نامی شخص نے گھریلو حالات سے تنگ ہوکر 3 بچوں کو قتل کرکے خود کشی کرلی۔

Father Suicide by killing 3 children from narrow domestic circumstancesشیخوپورہ کے علاقے مانانوالہ کے کوٹ کاہلواں گاؤں کے رہائشی سرفراز نے گھریلوحالات سے تنگ ہوکر ناصرف خود موت کو گلے لگا لیا بلکہ اپنے 3 معصوم بچوں کو بھی موت کے منہ میں دھکیل دیا۔ پولیس حکام کے مطابق سرفراز کے اہل محلہ نے  بیان دیا ہے کہ سرفراز اور اس کی بیوی کے درمیان کافی عرصے سے ناچاقی چل رہی تھی جب کہ گھر کے حالات بھی ٹھیک نہیں تھے جس پر اس کی بیوی کچھ عرصہ قبل روٹھ کر میکے چلی گئی تھی۔ اہل علاقہ کے بیان کے مطابق گھریلو حالات سے تنگ سرفراز نے دلبرداشتہ ہوکر اپنے بیٹے 11 سالہ محمد حسنین، 8 سالہ بیٹی زینب اور 4 سالہ لائبہ کو تیز دھار آلے سے قتل کرکے خودکشی کرلی۔ پولیس نے چاروں لاشیں قبضے میں لے کر پوسٹ مارٹم کے لئے بھیج دی ہیں جب کہ مقتول بچوں کی ماں کو بھی شامل تفتیش کرلیا گیا ہے۔