counter easy hit

عام انتخابات 2018 کیلئے سابق وفاقی وزیر داخلہ چوہدری نثار کی جگہ انجنیئر قمرالسلام اور سردار ممتاز کو ٹکٹ ملنے کا امکان

اسلام آباد: مسلم لیگ ن نے عام انتخابات 2018 کیلئے بیشتر پارٹی امیدواروں کا فیصلہ کرلیا۔ ذرائع کے مطابق پارٹی امیدواروں کے ناموں کا باضابطہ اعلان کل شام یا جمعہ کی صبح تک کیا جائے گا، سابق وفاقی وزیر داخلہ چوہدری نثار کی جگہ انجنیئر قمرالسلام اور سردار ممتاز کو ٹکٹ ملنے کا امکان ہے۔

Engineer Qamar-ul-Islam and Sardar Mumtaz likely to get tickets for general elections 2018 in place of former Federal Minister for Interior Chaudhry Nisarذرائع کے مطابق اسلام آباد سے طارق فضل چوہدری کو ٹکٹ دینے کا فیصلہ کیا گیا ہے جبکہ جاوید ہاشمی ملتان سے مسلم لیگ ن کے ٹکٹ پرالیکشن لڑیں گے۔ذرائع کا یہ بھی کہنا ہے کہ شہباز شریف لاہور اور سوات سے الیکشن لڑیں گے، مریم نواز کو بھی لاہور سے ٹکٹ دینے کا فیصلہ کیا گیا ہے جبکہ، رانا ثناء اللہ قومی اسمبلی کا الیکشن لڑیں گے۔اس کے علاوہ ذرائع کے مطابق عابد شیرعلی، خواجہ آصف، خرم دستگیر،احسن اقبال، جاوید لطیف بھی ٹکٹ حاصل کرنے والوں میں شامل ہیں۔سابق وزیراعظم شاہد خاقان عباسی کا مری کے علاوہ اسلام آباد سے بھی الیکشن لڑنے کا بھی امکان ہے۔حمزہ شہباز، ایازصادق، پرویز ملک، سعد رفیق، روحیل اصغر، سائرہ افضل تارڑ، شیخ فیاض، جنید انوار، اسد الرحمان رمدے، ارشد لغاری، پیرعمران شاہ، چوہدری اشرف، طفیل جٹ، عثمان ابراہیم، حنیف عباسی، ملک ابرار، چوہدری دانیال، امیر مقام، مشاہد اللہ خان، ڈاکٹر افنان اور شیخ آفتاب کو بھی پارٹی ٹکٹ مل گیا ہے۔اس کے علاوہ ایبٹ آباد سے سردار مہتاب یا مرتضیٰ جاوید عباسی الیکشن لڑیں گے اس حوالے سے ٹکٹ کا فیصلہ نہ ہو سکا۔خیال رہے کہ عام انتخابات کے لیے پولنگ 25 جولائی کو ہوگی۔ انتخابات میں حصہ لینے کے خواہش مند افراد کی جانب سے الیکشن کمیشن میں کاغذات نامزدگی جمع کرائے جاچکے ہیں جن کی جانچ پڑتال کا عمل اس وقت جاری ہے۔