earthquake in Japan

جاپان کے جنوبی جزیرے کیوشو میں چھ اعشایہ چار شدت کے زلزلے سے اب تک نو افراد کی ہلاکت کی اطلاعات ملی ہیں جبکہ سات سو سے زائد افراد زخمی ہیں.
ٹوکیو: (یس اُردو) مقامی میڈیا کے مطابق زلزلہ رات نو بجکر چھبیس منٹ پر آیا جو تقریباً بیس سیکنڈ تک جاری رہا۔ کماموٹو کا رہائشی علاقہ زلزلے سے زیادہ متاثر ہوا جہاں عمارتوں کے گرنے کی اطلاعات ہیں۔ حکام نے اس خدشے کا اظہار کیا ہے کہ عمارتوں کے ملبے تلے لوگ دبے ہوں گے۔ تقریباً آدھے گھنٹے کے وقفے کے بعد پانچ اعشاریہ سات شدت کا ایک جھٹکا لگا۔ جاپانی زلزلہ پیما مرکز کے مطابق آفٹر شاکس آنے کا امکان ہے۔ زلزلے کے بعد سونامی کی کوئی وارننگ جاری نہیں کی گئی۔