دبئی : دبئی میں جاری دوسرے ٹیسٹ میچ کے دوسرے روز انگلش بلے باز اپنی پہلی اننگز کا پر اعتماد آغاز نہ کر پائے، پاکستان کے 378 رنز کے جواب میں انگلینڈ کے کھلاڑی اپنی پہلی وکٹ 5 کے مجموعی اسکور پر ہی گنوا بیٹھے۔
انگلینڈ کے پہلے آؤٹ ہونے والے بیٹسمین معین علی تھے جو کہ صرف ایک رن بنا کر وہاب ریاض کا شکار بنے۔ ان کے بعد تجربہ کار آئن بیل بھی 4 رنز بنا کر عمران خان کی گیند پر آؤٹ ہو گئے۔
انگلینڈ کے تیسرے آؤٹ ہونے والے کھلاڑی کک تھے جو 65 رنز بنا کر یاسر شاہ کی گیند پر آؤٹ ہوئے، ان کا کیچ احمد شہزاد نے پکڑا۔
روٹ 76 رنز پر ناٹ آؤٹ ہیں اور بیئرسٹون 27 رنز پر کھیل رہے ہیں۔ انگلینڈ ابھی پاکستان سے 196 رنز پیچھے ہے اور اس کی سات وکٹیں باقی ہیں۔
