Eid Milan Ceremony

ریاض (جاوید اختر) عید کے پر مسرت موقع پر حلقہ فکر و فن کے زیر اہتمام سینئر لائیبریرین ڈاکٹر ریاض چوہدری کے کاشانہءادب پر ایک خصوصی مجلس منعقد ہوئی، تقریب کی صدارت کے فرائض الا مور سفارتخانہ پاکستان عباس قریشی نے دا کیے، معروف شاعرہ محترمہ شہناز مزمل اور محترمہ ساجدہ چوہدری مہمان خصوصی میں شامل تھیں۔

حلقہ فکر و فن کے ناظم جاوید اختر جاوید نے میزبانی کے فرائض انجام دیتے ہوئے اپنے کلام سے محفل کا آغاز کیا، انہوں نے شہناز مزمل کی شاعری پر تنقیدی مضمون پڑھا، عبدالرزاق تبسم نے نعتیہ کلام ترنم میں سنا کر حاضرین کے دل جیت لیے۔

حلقہ فکر و فن جنرل سیکرٹری نسیم وامق نے نعتیہ کلامکے ساتھ ساتھ پنجابی شاعری اپنے مخصوص لب و لہجے میں پیش کی، معروف شاعرہ شہناز مزمل نے اپنے کلام بلاغت نظام کے مختلف رنگ پیش کرکے شرکاء سے داد سمیٹی، شہناز مزمل اپنی تازہ تصنیفات کے حوالے سے بات کرتے ہوئے کہا کہ عنقریب ان کی شاعری پر مشتمل کلیات اور پہلا سفر نامہ منظر عام پر آئے گا، ناظم الا مور سفارتخانہ پاکستانعباس سرور قریشی نے موقع کی مناسبت سے نعتیہ کلام پڑھ کر سنایا۔

اس موقع پر انہون نے ڈاکٹر ریاض چوہدری کا شکریہ ادا کرتے ہوئے کہ کہ ادبی تقریبات زبان و بیان کی ترقی کیلئے معاون ثابت ہوتی ہیں۔ پاکستانی کمیونٹی کیلئے اپنے خیالات کا اظہار کا بہترین ذریعہ ہے ، مسلم لیگ ن کے رہنما انجینئر اشرف بٹ اور محتمہ ساجدہ چوہدری نے تقریب کے حوالے سے اپنے تاثرات بیان کرتے ہوئے کہا کہ اس طرح کی تقریبات میں جہاں مل جل بیٹھنے کا موقع ملتا ہے وہاں ذہن کے بند دریچے کھلتے ہیں، فکر و خیال میں تنوع پیدا ہوتا ہے۔

معروف تظیم ادب سرائے کی جانب سے نعتیہ گو شاعر عبدالرزاق تبسم کی خدمات کے اعتراف پر عباس سرور قریشی اور محتمہ شہناز مزمل نے ایک خصوصی میڈل پہنایا، تقریب کے دیگر شرکاء میں جہلم لائیو کے ایڈیٹر انچیف نوید احمد ، طارق محمود ، تصدق گیلانی ، پیپلز پارٹی کے رہنما ریاض رٹھور ، فرمان علی سلیمی، سرور انقلابی اور اعجاز بٹ کے علاوہ حاضری کی کثیر تعداد موجود تھی، آخر میں کاشانہء ادب کے روح رواں ڈاکٹر محمد ریاض نے شرکاء کی شانہء ادب پر خصوصی آمد پر شکریہ ادا کیا۔