DG NAB Balochistan

ڈی جی نیب بلوچستان طارق محمود کا کہنا ہے کہ سیکریٹری فنانس مشتاق رئیسانی کے کیس میں مثبت پش رفت کے ساتھ ہی کئی گرفتاریاں ہوئیں تاہم جو ملزمان ابھی قانون کی گرفت سے باہر ہیں انہیں بھی عوام کے تعاون سے جلد قانون کے کہٹرے میں کھڑا کریں گے۔
کوئٹہ: (یس اُردو) بلوچستان کے سیکریٹری فنانس مشتاق رئیسانی نیب کی تحویل میں ہیں اور ان کی جانب سے روز نئے انکشافات سامنے آ رہے ہیں۔ مشتاق رئیسانی کی نشاندہی پر کرپشن میں شامل ان کے متعدد ساتھیوں کے گرد گھیرا تنگ کیا جا رہا ہے۔ اس حوالے سے ڈی جی نیب میجر ریٹائرڈ طارق محمود کا کہنا ہے کہ سیکریٹری فنانس مشتاق رئیسانی کے کیس میں مثبت پش رفت ہوئی ہے۔ ایڈمنسٹریٹر خالق آباد سلیم شاہ کو اس کیس کا انتہائی مطلوب شخص قرار دیتے ہوئے ڈی جی نیب نے عوام الناس سے ان کے متعلق نیب کو اطلاع کرنے کی اپیل کی ہے۔ڈی جی نیب کا کہنا ہے کہ ملکی وسائل کو لوٹنے والوں کو قانون کے کٹہرے میں لانے کے لئے عوام تعاون کریں، معلومات یا دستاویزی ثبوت نیب میں کسی بھی وقت دیئے جا سکتے ہیں۔ معلومات فراہم کرنے والے افراد کا نام صیغہ راز میں رکھا جائے گا۔