راولپنڈی (ویب ڈیسک) ڈی جی آئی ایس پی آر نے عامر خان کے ویڈیو پیغام پر شکریہ ادا کر دیا ہے۔ میجر جنرل آصف غفور نے باکسر عامر خان کی کشمیریوں کے ساتھ اظہارِ یکجہتی کے لیے ایل او سی پر آمد پر شکریہ ادا کر دیا ہے۔ ڈی جی آئی ایس پی آر میجر جنرل آصف غفور نے اپنے ٹویٹر پیغام میں باکسر عامر خان کا ویڈیو پیغام شئیر کیا ہے جس میں وہ کشمیری چائے پیتے ہوئے کہتے ہیں ’’ٹی از فنٹاسٹک‘‘۔ڈی جی آئی ایس پی آر نے عامر خان کا شکریہ ادا کیا۔خیال رہے کہ آج پاکستانی نژاد برطانوی باکسر عامر خان مسئلہ کشمیر کو عالمی سطح پر اجاگر کرنے اور مظلوم کشمیریوں کے ساتھ اظہارِ یکجہتی کےلئے لائن آف کنٹرول (ایل او سی) پہنچے۔ عامر خان نے چکوٹھی سیکٹر میں ایل او سی کی اگلی چیک پوسٹوں کا دورہ کیا اور عوام سے ملاقات کی۔کشمیری عوام سے گفتگو میں انہوں نے مکمل تعاون کی یقین دہانی بھی کرائی ہے۔ عالمی شہرت یافتہ برطانوی باکسر کا کہنا تھا کہ میں یہاں صرف کشمیری عوام سے اظہار یکجہتی کرنے اور عالمی سطح پر انکی آواز بننے کیلئے آیا ہوں، مجھے احساس ہے کہ ایل او سی کی دوسری جانب کیا ہو رہا ہے۔پاکستانی نژاد برطانوی باکسر کا کہنا تھا کہ واپس جا کر دنیا بھر کو بتاﺅں گا کہ کشمیر کی کیا صورتحال ہے۔میڈیا سے گفتگو کرتے ہوئے انکا مزید کہنا تھا کہ بھارتی فینز سے بھی کہوں گا کہ اپنی حکومت پر مسئلہ کشمیر کے پرامن حل کے لیے زور ڈالیں۔ عامر خان کا کہنا تھا کہ مقبوضہ کشمیر میں کرفیو ختم ہونا چاہیے۔ اضح رہے کہ 24 اگست کو باکسر عامر خان نے ایل او سی کا دورہ کرنےکا اعلان کیا تھا۔ایک پیغام میں محمد عامر کا کہنا تھا کہ برطانیہ میں بیٹھ کر مقبوضہ کشمیر کی صورتحال کو صرف ٹیلی ویژن پر دیکھا ہے۔ مقبوضہ وادی کو دیکھ کر محسوس کیا کہ کشمیریوں پر شدید نوعیت کے مظالم ڈھائے جا رہے ہیں لہٰذا اس مظلوم قوم سے اظہار یکجہتی کےلئے خود ایل او سی پر جاوں گا۔