کپتان سرفراز احمد کا کہنا ہے کہ یہ کنڈیشنز ہمارے لئے بہت ٹف تھیں تاہم میں نیوزی لینڈ کے بیٹسمینوں خاص طور پر کین ولیم سن کو کریڈٹ دینا چاہتا ہوں جنہوں نے بہت اچھی بیٹنگ کی۔

نیوزی لینڈ کے خلاف پہلا ون ڈے انٹرنیشنل میچ میں 61 رنز شکست کے بعد سر فراز احمد نے میڈیا سے بات کرتے ہوئے کہا کہ میچ میں مین پلیئرز کے کیچز ڈراپ ہونے سے فرق پڑا ہے۔ ان کا کہنا تھا کہ اگر کیچز پکڑتے تو مقابلہ اچھا ہوتا لیکن ہمیں امید ہے کہ ہم مل کر بیٹھیں گے اور اگلے میچ میں نئی حکمت عملی کے ساتھ میدان میں اتریں گے۔ ایک سوال کے جواب میں سرفراز کا کہنا تھا کہ ابتدائی 2 اوورز میں 2 وکٹیں گنوانے سے نقصان ہوا جس کے بعد ہمارا میچ میں واپس آنا مشکل ہوگیا۔