چنیوٹ؛لڑکی سے زیادتی کی ابتدائی رپورٹ وزیراعلیٰ پنجاب کو ارسال

چنیوٹ……..چنیوٹ میں لڑکی سے زیادتی کی ابتدائی رپورٹ وزیر اعلیٰ پنجاب کو بھیج دی گئی ہے ۔ رپورٹ میں بتایا گیا ہے کہ زیادتی کاملزم لڑکی کی خالہ کا بیٹا ہے۔ رشتہ دینے سے انکار پر لڑکی کو اغوا کیاگیا تھا ۔ابتدائی رپورٹ میں بتایا گیا ہے کہ پولیس کی جانب سے نامزد چار ملزمان فیصل ، قیس ، محمد حسین اورقیصر کی بہن ارم کو گرفتار کرلیا گیا ہے ، جبکہ اصل ملزم قیصر کی گرفتاری کے لیے چھاپے مارے جارہے ہیں ۔رپورٹ میں مزید بتایا گیا ہے کہ واقعے کی وڈیو فرانزک لیب میں بھیج دی گئی ہے، تفصیلی رپورٹ دودن بعد بھجوائی جائے گی۔ گذشتہ رات چنیوٹ کے علاقے قاسم ٹائون میں پندرہ سالہ لڑکی کے اغوا اور بعد ازاں اجتماعی زیادتی کا واقعہ سامنے آیا تھا۔