سلیکٹڈ حکومت تمام عوامی منصوبوں اورقرضوں کے آڈٹ کے بعد بھی کچھ ثابت نہیں کرسکی، حکومت کے پاس پرفارمنس کے نام پر کچھ نہیں، چوہدری سجاد احمد

پیرس/اسلام آباد(ایس ایم حسنین) پاکستان مسلم لیگ ن یوتھ ونگ فرانس کے جنرل سیکرٹری چوہدری سجاد احمد نے کہا ہے کہ سلیکٹڈ حکومت کرپشن کا شور مچا کر مسلم لیگ ن کے عوامی منصوبوں کو متنازعہ بنانا چاہتی تھی۔ بیرونی قرضوں اورعوامی منصوبوں کے آڈٹ اورلیگی راہنمائوں کو قید میں رکھ کر بھی حکومت ایک دھیلے کی کرپشن ثابت کرنے میں ناکام رہی ہے۔

ان کا کہنا تھا کہ حکومت کا ڈرامہ اب زیادہ دن نہیں چلے گا۔ حکومت کے پاس پرفارمنس کےنام پر کچھ بھی نہیں، ۔ سلیکٹڈ حکومت اپنے تمام دعوئوں اور وعدوں کو نبھانے میں مکمل طور پر ناکام ہوچکی ہے۔