رانا ثنا اللہ ایک بہادر لیڈر ہیں، ببانک دہل سچ بولنے کی عادت کا شکار ہوئے، چوہدری سجاد احمد
پیرس؍اسلام آباد(ایس ایم حسنین) پاکستان مسلم لیگ ن یوتھ ونگ فرانس کے جنرل سیکرٹری چوہدری سجاد احمد نے کہا ہے کہ رانا ثنااللہ کی گرفتاری ان کے ببانگ دہل سچ بولنے کی سزا ہے۔ حکومت گزشتہ کئی ماہ سے ان پر کرپشن اور غیر آئینی کسی قسم کے اقدام کو کوئی مقدمہ نہ ڈھونڈ سکی اور نہ ہی تیار کرسکی ہےاور آخر کار تھک ہار کر انھیں بالکل بے بنیاد مقدمے میں گرفتار کرلیا گیا ہے۔
ان کا کہنا تھا کہ رانا ثنااللہ جرات مند لیڈر ہیں انکو پہلے بھی مارشل لائ دور میں ایسے مقدمات کا سامنا رہا ہے مگر وہ کبھی بھی اپنے موقف سے ایک انچ بھی نہیں ہٹے اور بالآخر بے قصور ثابت ہوئے۔ حکمران جتنا بھی ظلم کر لیں ان کو جان لینا چاہیے کہ ان کو شدید ترین مکافات عمل کا شکار ہونا پڑے گا۔ اور یہ کبھی بھی اللہ کریم کے اس نظام کی پکڑ سے بچ نہیں سکیں گے۔
