بونیر: وین تیز رفتاری کے باعث ڈرائیور کے کنٹرول سے باہر ہوئی اور حادثے کا شکار ہوگئی ، 10 زخمی طالبات کو ہسپتال منتقل کر دیا گیا
بونیر کے علاقے شل بانڈی روڈ پر سکول وین کو حادثہ ، تین طالبات جاں بحق اور 10 زخمی ہوگئیں۔ اس حوالے سے ذرائع کا کہنا ہے کہ وین طالبات کو لے کر سکول جا رہی تھی کہ تیز رفتاری کی وجہ سے وین کا ڈرائیور بے قابو ہو کر ایک دکان میں گھس گئی۔ حادثے میں 13 طالبات شدید زخمی ہوئیں جن میں سے 3 نے ہسپتال لے جاتے ہوئے راستے میں دم توڑ دیا، دیگر زخمی طالبات کو ڈگر ہسپتال میں طبی امداد دی جا رہی ہے۔ حادثے کی اطلاع ملتے ہی پولیس اور ریسکیو کے ادارے موقع پر پہنچ گئے اور زخمی طالبات کو فوری طور پر ہسپتال منتقل کیا۔ پولیس نے جائے حادثہ سے شواہد اکٹھے کر کے عینی شاہدین کے بیانات کی روشنی میں تحقیقات کا آغاز کر دیا ہے۔
