Brahimi held Haidari syaguaء woman, police

کراچی………کراچی کے علاقے ابراہیم حیدری سے خاتون کے اغوا کی جیو نیوز پر خبر نشر ہونے کے بعد وزیر داخلہ سندھ نے واقعے کا نوٹس لے لیا۔ پولیس نے خاتون کو ابراہیم حیدری سے بازیاب کرالیا۔ابراہیم حیدری کے علاقے الیاس گوٹھ میں نامعلوم مسلح ملزمان گھر میں گھس کر سعدیہ نامی خاتون کو اغوا کرکے لے گئے، جبکہ مزاحمت پر اہل خانہ کو تشدد کرکے زخمی کردیا تھا۔ خاتون کے اہل خانہ نے الزام لگایا کہ سعدیہ نے اپنے شوہرعظمت خان سے علیحدگی کے لیے فیملی کورٹ میں خلع کی درخواست دے رکھی ہے۔پولیس نے ابراہیم حیدری کے علاقے میں ہی سرچ آپریشن کرکے خاتون کو بازیاب کرالیا، تاہم اغواء کا مرکزی ملزم فرار ہوگیا۔ خاتون نے بتایا کہ اس کا شوہر تشدد کرتا ہے اس لیے وہ اس سے خلع لینا چاہتی ہے۔ صوبائی وزیر داخلہ سہیل انور سیال نے جیو نیوز کی خبر کا نوٹس لیتے ہوئے خاتون کی فوری بازیابی کا حکم دیا تھا۔