خاندانی دنگل میں باکسرعامرخان نے اپنے والد کوکاروبار سے ناک آؤٹ کر دیا۔

Boxer Amir Khan knockout of his father from business

برطانوی اخبار نے دعویٰ کیا ہے کہ باکسر عامر خان نےاپنے والد سجاد خان ، چاچا طاہر خان اور قریبی دوست ساج محمد کو باکسنگ مینجمنٹ ٹیم سے الگ کر کے نئی ٹیم بنا لی۔سجاد خان عامرخان کے منیجر کی حیثیت سے ان کی فائٹ کے معاہدے کرتے تھے لیکن جب سےانہوں نے اپنی بہو یعنی عامر کی بیوی فریال کو تنقید کا نشانہ بنایا ہے، عامر خان نے خاندان والوں کی طرف سے ایک قدم پیچھے ہٹا لیا اورصاف صاف کہہ دیا کہ ان کے والد آئندہ کسی بھی لڑائی کے لئے کسی سے بھی کوئی معاہدے نہیں کریں گے۔انہوں نے کہا کہ وہ اپنے والدین کا احترام کرتے ہیں لیکن کاروباراور خاندان ساتھ نہیں چل سکتے۔باکسر عامر خان نے کہا کہ باکسنگ کی وجہ سے انہوں نے اب تک خود کو قابو میں رکھا ہوا ہے اگر وہ باکسر نہ ہوتے تو خاندانی جھگڑوں کی وجہ سے پاگل ہو چکے ہوتے۔ان کا کہنا تھا کہ وہ اپنی اگلی فائٹ دیکھنے کے لئے اپنے والدین کوضرور مدعو کریں گے۔