اسلام آباد (ویب ڈیسک) چیئرمین نیب نے عزم ظاہر کیا ہے کہ منی لانڈرنگ کا سلسلہ روکا جائے گا اور لوٹی گئی دولت بیرون ملک سے واپس لائیں گے۔ ملک کو کرپشن سے پاک کرنے کیلئے قوم کو خود احتسابی کا پیغام بھی دیدیا۔چیئرمین نیب جاوید اقبال نے بدعنوانی کو جڑ سے اکھاڑنے کا اعادہ کرتے ہوئے منی لانڈرنگ روکنے کیلئے بھرپور اقدامات کا اعلان کر دیا۔ اقربا پروری اور رشوت ستانی کے خاتمے سے ہی کرپشن فری پاکستان بنے گا۔ چیئرمین نیب نے کہا ہے کہ بدعنوانی ملکی ترقی اور خوشحالی میں بڑی رکاوٹ ہے، لوٹی دولت واپس لائی جائیگی۔ میگا کرپشن کے 179 مقدمات میں سے 105 کے ریفرنس دائر کئے جا چکے ہیں۔ احتساب عدالتوں میں 900 ارب روپے کی کرپشن کے 1210 مقدمات زیر سماعت ہیں، ان کو منطقی انجام تک پہنچانا نیب کی اولین ذمہ داری ہے۔جاوید اقبال کا مزید کہنا ہے کہ بدعنوان عناصر سے لوٹے گئے297 ارب روپے برآمد کرکے واپس قومی خزانہ میں جمع کرائے گئیانہوں نے کہا کہ نیب نے بزنس کمیونٹی کے مسائل کے حل کے لیے الگ سیل قائم کیا ہے۔ نیب نے مفتی احسان مضاربہ مقدمہ معزز احتساب عدالت اسلام آباد میں دائر کیا تھا۔معززاحتساب عدالت نے مفتی احسان کومضاربہ کیس میں 10سال کی قیداور9ارب روپے جرمانہ کی سزا سنائی جو کہ نیب نے بہترین پراسیکیوشن کی وجہ سے نیب کا سب سے بڑا مقدمہ جیتا۔ نیب مضاربہ/ مشارکہ سیکنڈلز میں ملوث 34ملزمان کی گرفتاری کے علاوہ بیرون ملک فرار مضاربہ/ مشارکہ سیکنڈلز میں ملوث دیگر ملزمان کو انٹر پول کے زریعے واپس لانے کی بھرپور کاوشیں کررہا ہے۔