اسلام آباد(مانیٹرنگ ڈیسک) خواجہ برادران کے بعد اب دوسرے بڑے بڑے سیاستدانوں کی بھی شامت آگئی ہے،، نیب ایگزیکٹو بورڈ نے 16 انکوائریوں کی منظوری دے دی،، جس کے بعد اب بڑے بڑے نام بھی نیب کے شکنجے مین اسکتے ہیں،، تفصیلات کے مطابق نیب نے ملک کے بڑے بڑے سیاستدانوں کے گرد گھیرا مزید تنگ کر دیا ہے۔ نیب کے ایگزیکٹو بورڈ کی جانب سے 16 انکوائریوں کی منظوری دے دی گئی ہے۔ جمعرات کے روز چیئرمین نیب جسٹس ریٹائرڈ جاوید اقبال کی زیر صدارت نیب ایگزیکٹو بورڈ کا اجلاس ہوا،،
اجلاس نیب ہیڈکوارٹر اسلام آباد میں ہوا۔ اس دوران نیب ایگزیکٹو بورڈ نے 16 انکوائریوں کی منظوری دے دی۔ نیب ایگزیکٹو بورڈ نے بڑے بڑے سیاستدانوں کیخلاف انکوائریوں کا حکم دیا ہے۔ نیب ایگزیکٹو بورڈ کی جانب سے جن سیاستدانوں کیخلاف تحقیقات کی منظوری دی گئی ہے ان میں سابق وزیر خوراک سندھ نثار کھوڑو ، سابق ایم این اے صابر شاہ، ایم ڈی این ٹی سی سی بریگیڈیئر(ر) وقار، شرجیل میمن اور دیگر شامل ہیں۔دوسری جانب نیب نے مسلم لیگ ن کے کئی رہنماوں کے گرد بھی گھیرا مزید سے مزید تنگ کر دیا ہے۔ ایک جانب نیب نے سابق وزیر اعلی پنجاب شہباز شریف کو گرفتار کر رکھا ہے، تو دوسری جانب نیب نے حال ہی میں سابق وزیر ریلوے خواجہ سعد رفیق اور ان کے بھائی خواجہ سلمان رفیق کو بھی گرفتار کر لیا۔ جبکہ شہباز شریف کے صاحبزادے حمزہ شہباز کے علاوہ ترجمان ن لیگ مریم اورنگزیب کیخلاف بھی تحقیقات کا آغاز کر دیا گیا ہے،،