کراچی (ویب ڈیسک) ’’بے نظیر کا مال ہے،بے نظیر دے رہی ہے‘‘خواتین نے وفاقی وزیر کو شرمندہ کردیا، اپنا سا منہ لے کر رہ گئے۔ سوشل میڈیا پر ایک ویڈیو تیزی سے وائرل ہو رہی ہے جس میں احساس پروگرام کے تحت 12000روپے لینے کیلئے آنیوالی خواتین نے وفاقی وزیر علی زیدی کو شرمند ہ کیا ہے۔ ہوں یوں کہ گورنر سندھ عمران اسماعیل نے احساس کفالت پروگرام مکلی سینٹر کا دورہ کیا جہاں مستحق خواتین سے انہوں نے خطاب بھی کیا۔گورنر کا خواتین سے خطاب میں کہنا تھا کہ یہ رقم آپ کو عمران خان دے رہا ہے اور کوئی نہیں دے رہا لہٰذا آپ کی دعائیں عمران خان اور پاکستان کے لیے ہونی چاہئیں۔خطاب کے بعد گورنر سندھ عمران اسماعیل نے سینٹر کا معائنہ کیا تو انہیں دلچسپ صورتحال کا سامنا کرنا پڑا۔ گورنر کے ساتھ دورے پر آئے وفاقی وزیرنے خاتون سے سوال کیا کہ ’آپ کو یہ رقم کون دے رہا ہے؟‘ تو مستحق خاتون نے بے ساختہ کہا کہ ’ بینظیر بھٹو‘۔وفاقی وزیر علی زیدی نے خاتون کی تصحیح کی کوشش کرتے ہوئے کہا کہ وزیراعظم عمران خان یہ رقم دے رہے ہیں ،ہاتھ جوڑ کر دہائی دیتے رہے لیکن خواتین نے ایک بھی نہ سنی ،آخر کر وفاقی وزیر کو شرمندہ شرمندہ جانا پڑا۔ خیال رہے کہ وزیراعظم احساس کفالت پروگرام کے ذریعے کورونا وائرس کی وجہ سے مستحقین میں ایمرجنسی کیش پروگرام کے تحت 12 ہزار کی امدادی رقوم کی تقسیم کا سلسلہ جاری ہے۔ یاد رہے پاکستان میں بھی لاک ڈائون ہے،اس لاک ڈائون کو 25 روز گزر چکے ہیں ،اب مزید 2 ہفتوں کیلئے اسے بڑھا دیا گیا ہے،پاکستان میں کورونا وائرس سے اموات کی مجموعی تعداد 107ہوگئی جب کہ نئے کیسز سامنے آنے کے بعد متاثرہ مریضوں کی تعداد 5996 تک پہنچ گئی.
“Benazir ka Maal hai, Benazir de rahe hai, koi aur to nahi” you can not fool them by changing the name They are getting BISP payments for past 12years you simply can’t change that by overnight I am loving how these politically enlightened women schooling Insafians @BBhuttoZardari pic.twitter.com/TzSrKxVPyJ
— Mehran Khan Narejo (@mehran_narejo) April 14, 2020